 |
SPRIk 2007ko Inbertsiorako Finantza Laguntzak (AFI) berritu ditu, zenbait finantza-erakunderekin hitzarmena sinatu ostean, besteak beste Euskadiko Kutxarekin. Hitzarmenari esker, programari atxikitako erakundeek euskal enpresa txiki eta ertainei (ETE) emandako kredituak diruz lagunduko ditu SPRIk.
Dirulaguntza horiek jasotzeko eskubidea izateko, EAEko ETEek, gutxienez, 100.000 euroko inbertsioak egin behar dituzte aktibo finkoetan, industriaren alorrekoak izanez gero, eta 30.000 eurokoak, turismoaren edo merkataritzaren alorrekoak badira.
AFI Programa honako helburu hau lortzeko nahiak eraginda sortu zen: ETEei finantza-bideak eskuratzen laguntzea, inbertsio-proiektuak baldintza egokietan eta ohiko finantza-merkatuan baino interes-tasa hobeetan gauzatzeko aukera izan dezaten. AFIren dirulaguntzak ez dira itzuli behar, eta mailegu-eragiketetan edo finantza-errentamendukoetan finantza-kostua murrizteko erabiliko dira. Diruz lagundutako inbertsioaren % 70 murrizten da gehienez ere, eta puntuei dagokienez, 1,5 puntu orokorrak izaten dira, eta horiei beste 0,25 gehitzen zaie elkarren bermerako sozietateen babesarekin egindako eragiketak baldin badira.
Eskariak aurkezteko epea 2007ko urriaren 15ean amaituko da eta hitzarmena sinatu duten finantza-erakundeek kudeatuko dituzte.
„ Joan hasiera |
|
