Red.es erakunde publikoak NEW Plana jarri du martxan, enpresa berrien presentzia Interneten zabaltzeko xedez. Horretarako, hainbat zerbitzutan baldintza ekonomiko bereziekin sartzeko aukera eskaintzen die.

'NEW' programa (Ninguna Empresa sin Web/Webik gabeko Enpresarik Ez) Avanza Planaren barruko ekimena da, Industria, Turismo eta Merkataritza Ministerioak red.es erakunde publikoaren bitartez sustatua. Haren helburua Interneten ETEeen (Enpresa Txiki eta Ertainen) presentzia hedatzea da. Helburu horrekin, konexioa, ostatua, domeinua, posta elektronikoa eta antzeko zerbitzuak ematen dituzten hainbat enpresaren laguntza du, programan parte hartzen duten ETEei baldintza hobeak eskaintzeko.

Nolako enpresentzat jarri da abian NEW Programa?

NEW Programa sektore edo jarduera orotako enpresaburu autonomoentzat eta enpresa txiki eta ertainentzat (250 langilera arte) jarri da abian.

Zertan datza NEW Programak eskaintzen duen web paketea?

NEW Programak web pakete bat eskaintzen du, ohi baino baldintza hobeagoetan, eta ezaugarri hauek ditu:

• ".es" kodearekin domeinu izen bat erregistratzea eta mantentzea.
• Web orriak sortzeko erreminta, 3 orrikoa gutxienez eta web orriaren hasierako orrirako diseinu txantiloi batekin.
• Kontrol panel eleaniztuna (gaztelania, Espainiako hizkuntza koofizialak eta ingelesa).
• 10 postontzi, 100 MBko edukierakoak.
• Web orrian 100 MBko disko edukiera.
• GB bateko transferentzia hilean.
• FTPrako sarbidea.
• Erabilera estatistiketarako sarbidea.
• Eguneroko Back Up-a.
• Posta sarbidea Webmail-en bitartez.
• Posta sarbidea POP 3, IMAP4, etab. erabiliz (Outlook, Eudora, Thunderbird, eta bestelakoekin bateragarria).
• Antispam

Zer dokumentu aurkeztu behar dira oinarrizko paketea jasotzeko?

Web paketea kontratatuko zaion enpresa laguntzaileari ETE edo autonomo ziurtagiria aurkeztu behar zaio.

Zer abantaila ditu web orrialdea edukitzeak?

• Negozioa 24 orduz martxan izatea, urtean 365 egunez.
• Bestelako bideetatik ezagutuko ez genituzkeen bezero potentzialak lortzea.
• Domeinu propioa duten Web orrialdea eta posta elektronikoa izateak modernotasuna eta seriotasuna ematen dizkio enpresari.
• Merkatuko publizitate bide merkeena da.
• Bezeroak eta hornitzaileak elkarrekin komunikatzeko bide bat da.
• Produktuak eta berrikuntzak berehala kaleratzeko eta jakinarazteko aukera ematen du.
• Lehiakortasuna hobetzen du.

Informatikan trebea izan behar da web orria sortzeko?

Paketeak web orriak sortzeko erreminta erraza du. Horrenbestez, testu prozesadoreen programak erabiltzen baino ez da jakin behar.