Kreditu Ofizialeko Institutuak 2.000 milioi handitu ditu enpresa txiki eta ertainen inbertsioak finantzatzeko ICO-PYME 2007 Lineako funtsak, hasieran aurreikusitako 7.000 milioi euroak agortu ostean.

Kreditu Ofizialeko Institutuak 9.000 milioi euroraino handitu du ICO-PYME 2007 Linearen aurrekontua. Enpresek inbertsio ahalegin handia egin du eta, ondorioz, ICO-PYME Linearen hasierako funtsak, 7.000 milioi eurokoak, sei hilabetean agortu dira.

ICOk finantzaketa linea horri 1993. urtean ekin zionetik orain arte merkatuan jarritako kopuru handiena da aurtengoa. Hala, otsailetik irailera, 106.900 mailegu eragiketa formalizatu dira ICO PYME Linearen kontura, hau da, 6.755 milioi euro. Ondorioz, 11.457 milioi euroko inbertsio induzitua sortu da, eta horri esker, 159.137 lanpostu baino gehiago sortu eta finkatu dira. Eragiketa bakoitzerako batez besteko mailegua 63.673 eurokoa izan da.

ICO-PYME Linea Gobernuak 2006ko otsailean onarturiko Enpresa Sustatzeko Planaren barnean dago eta, azken bi urteetan, % 125 handitu da bere diru kopurua. Izan ere, 2005ean, 4.000 milioi euro izan zituen erabilgarri eta, 2007an, 9.000 milioi euro izan ditu.

Enpresei Laguntzeko ICO 2007 Lineak maileguak ohi baino interes hobeagoetan eskuratzeko aukera ematen die enpresaburuei, epe luzera eta komisiorik gabe, haien negozioak gauzatzeko, edozein fasetan daudela ere: negozioa sortzeko, hedatzeko nahiz nazioartera zabaltzeko.

Lineak 1,5 milioi eurorainoko maileguak eskaintzen ditu interes tasa aldakorrean (Euribor + % 0,65)  edo interes finkoko tasa baliokidean, komisiorik gabe eta 3, 5, 7 eta 10 urteko epean amortizatzeko.

 „ Joan hasiera