Industria Ministerioak COELCO 2 proiektuaren lehen fasea onartu du, 2007-2008 ikasturtean 6.000 ETE eta autonomori laguntzeko, enpresako teknologia modernizatzeko % 60ko diru-laguntza emanez.

Elkargo Profesionalen Sarea Fundazioak ETEen eta autonomoen jarduerak modernizatzeko eta Interneten gazteen eta partikularren presentzia handitzeko sorturiko ekimena da Coelco (Ezagutzaren Merkataritza Elektronikoa). Denek eskura ditzakete interesik gabeko maileguak, Industria Ministerioaren Avanza (Aurrera) planaren bitartez. Gainera, autonomoek eta ETEek %60 arteko diru-laguntza publikoak ere eskura ditzakete COELCO 2 proiektuan.

COELCO proiektua 2005eko uztailean onartu zuen Industria Ministerioak, eta guztira 6.845.436 euroko inbertsioa egin zuen bi urtean. 2005ean 1.000 profesionali eta ETEri eta 2006an 2.000ri laguntzea da helburua. COELCO proiektuaren lehen fasea amaitzean, 3.128 autonomok eta ETEk baliatu dituzte proiektuaren abantailak, negozioak modernizatzeko, Internet sarbideko erremintak erabiliz eta ekipamendu berriak lortuz. Inbertsio horiek guztiak egiteko Europar Batasunaren (FEDER funtsak) eta Estatu Gobernuaren diru-laguntza publikoak jaso dituzte. Ildo horretan, autonomoek eta ETEek %60ko diru-laguntza jaso dute ekipoetan eta zerbitzuetan egindako inbertsioetarako (baldintza: JEZen alta emanda daudela frogatzeko ziurtagiria).