Kontularitza Plan Orokor berria 2008ko urtarrilaren 1ean indarrean sartuko da. 

International Accounting Standard Board (IASB) erakundeak argitaraturiko kontularitza arauak erabiltzeko akordioa hartu du Europar Batzordeak eta, horren ostean, kontularitza arautzeko prozesua hasi da Europan eta Espainian.

Hasieran, IASBren arauak, Nazioarteko Kontularitza Arauak edo Finantza Informazioko Nazioarteko Arauak (NIC-NIIF), nahitaez bete beharrekoak ziren Espainiako enpresen kontu finkatuak egiteko. Geroago ordea, Espainiak bere kontularitza berritzea proposatu zuen, enpresa guztiek beren kontuak (banakakoak zein finkatuak) IASBren arauei jarraituz aurkezteko xedez. Ildo horretan, Kontularitza Eraberritzeko prozesu bat jarri da martxan, eta 2008ko urtarrilean indarrean sartuko den Plan Orokorrarekin amaituko da.

Egungo Kontularitza Plan Orokorra eraberritzeko prozesuan, Enpresa Txiki eta Ertainei zuzendutako egokitzapen erraztua dago. Horiek horrela, eta Kontularitza Plan Orokor berrian egokitzapen horren zirriborroa baino ez dagoen arren, honekin batera erantsi dugu, behin betiko plana onartu bitartean.