|
2008ko urtarrilaren 1ean, laguntzak eta dirulaguntzak eskatzeko epea
ireki da, kooperatibetan, lan-sozietateetan, gizarte-ekonomia
ordezkatzen duten elkarteetan, irabazi-asmorik gabeko erakundeetan,
unibertsitateetan eta kooperatiben eta lan-sozietateen elkarteetan
enplegua eta inbertsioa sustatzeko.
EZAUGARRIAK:
Araudi honek zenbait laguntza-mota erregulatzen ditu:
* Langabetuak bazkide langile edo lan-bazkide moduan sartzeko
laguntzak: zenbateko aldakorreko dirulaguntza (5.500 eurotik gorakoa),
enpresan sartzen den pertsonaren egoera pertsonalaren arabera.
* Ibilgetu materialean edo materiagabean inbertitzeko laguntzak:
egindako inbertsioaren %50 arteko dirulaguntza. Dirulaguntzaren
zenbatekoa kalkulatzeko, laguntzak arautzen dituen ebazpenean
ezarritako baremoa hartu behar da aintzat. Bi mota hauetako bat
aukeratu behar da:
-
Zuzeneko laguntza.
- Inbertsioa finantzatzeko maileguen interesen hobaria.
Ez dago bi laguntza-mota horiek batera eskatzerik, ezta helburu bera duten laguntza edo dirulaguntza gehiagorekin batera ere.
* Laguntza teknikoa: bideragarritasun-ikerketak, kontu-ikuskaritza,
zuzendarien kontratazioa, etab. Dirulaguntza ekintzaren %50ekoa izango
da gehienez, eta ez da 20.000 eurotik gorakoa izango.
* Erakundeetarako prestakuntza, hedapena eta sustapena,
gizarte-ekonomiaren arloan: ekintzaren %100 finantza daiteke, baina
gehieneko zenbatekoa 90.000 eurokoa izango da, jarduera
bakoitzeko.Laguntza horiek a minimis izango dira.
|
