Eusko Jaurlaritzak langile autonomoei dirulaguntza bereziak emateko programa bat jarri du abian, egungo krisialdiak kolektibo horretan duen eragina arintzeko xedez.   Laguntzak 3 multzotan sailkatuta daude:

• Datozen 6 hilabeteetan produkzio-jarduerari eusteko dirulaguntzak: 1.125 euro langileko.

• Enplegatuak, gutxienez, 6 hilabeterako kontratatzeko dirulaguntzak: kontratatutako langileengatik enpresak Gizarte Segurantzari ordaindu beharreko kotizazioen % 100.  Gizarte Segurantzako 1. kotizazio-taldean barne hartutako kontratazioen kasuan, dirulaguntzak kuota horren % 50ekoak izango dira.

• Jarduera bertan behera utzi behar izan duten langile autonomoen birziklatzea, kualifikazio profesionala eta enplegagarritasuna hobetzeko laguntzak. Prestakuntza-prozesuak irauten duen bitartean –6 hilabete gehienez – langile autonomo onuradunek hilean 480 euroko dirulaguntza jasoko dute.